Ari Arason

Lögreglan hefur sýnt ótrúlegt langlundargeð í þessu máli. Margir voru orðnir óþolinmóðir eftir aðgerðum hennar. Ítrekaðar yfirgangur bílstjóranna gagnvart öðrum vegfarendum var farinn að taka á taugarnar og farið að styttast í að fólk missti þolinmæðina eins og einn úti Álftanesinu í gær. Það verður að viðurkennast nú að lögreglan stendur vel eftir að  hafa sýnt þolinmæði.

Það er hinsvegar hægt að segja margt um þetta ótrúlega væl sem Helgi Seljan lét frá sér fara í Kastljósinu í kvöld og fleiri konur hafa verið með í bloggi á Mbl.is í dag.  Hvernig á að beita valdi nema með valdi? Það er svo sannarlega rétt hjá Herði að þarna var staðfastlega reynt að taka eins vægt á málum og hægt var.

	Lögregla brást rétt við
Ábyrgðarmaður færslu Tilkynna um óviðeigandi tengingu við frétt

Íslendingar hafa sérsamning um varnir við öflugasta herveldi heims og eru þáttakendur í sterkasta hernaðarbandalagi heims þar sem grunnákvæðið er að árás á einn jafngildir árás á alla. Þurfa Íslendingar meiri tryggingar?

Til hvers að gefa norska hernum frítt spil til að fara um íslenska lögsögu á friðartímum? Til hvers? Og borga þeim fyrir leyfið sem við gefum þeim!

Þó ekki sé ég vinstri grænn og reyndar alls ekki grænn þá er ég sammála Steingrími J. um að þetta samkomulag veikir stöðu okkar í samningum við norska. Og ekki verður framhjá því litið að undanskildu hernámi Breta vegna stórstyrjalda þá eru norskir eina þjóðin sem sýnt hefur sig að ásælast Ísland. Vanti utanríkisráðherra verkefni þá ætti hún frekar að leita leiða til að segja upp Jan Mayen samkomulaginu sem var fráleit gjöf handa Norðmönnum.